Codex Suprasliensis


Maintained by: David J. Birnbaum (djbpitt@gmail.com) [Creative Commons BY-NC-SA 3.0 Unported License] Last modified: 2013-01-23T20:24:59+0000


< 280v >

  1. на бѣжаниѥ къ своѥ҆племенꙿникомъ· о҅но же въко-
  2. ренивъ сꙙ на ꙁеми· никакоже не даꙗ҅ше ѥ҅моу по-
  3. поуштень҆ꙗ҆ на бѣжань҆ѥ҆· Томоу же на мноꙁѣ мѫ-
  4. чꙙштоу сꙙ· ꙗ҅коже и҅ꙁмъкнѫти копиѥ҆· о҅тъ дх꙯а лѫ-
  5. кава пораженъ· начꙙ самовиднѣ· рѫцѣ о҅пакꙑ съвꙙ-
  6. ꙁоуѧ҅ си· и҅ на о҅бличень҆ѥ҆ начꙙтию҄ нечь҆стиꙗ своѥ҅го
  7. съвраштати сꙙ· пь҆сь҆скꙑ же· лаѧ҆· и҅ пѣнꙑ и҅ꙁ оустъ
  8. тѣштꙙ· и҅ власомъ на въꙁдоухъ распрострътомъ·
  9. дотечетъ ст꙯ааго дрь҆ꙁновенаꙗ и҅сповѣдаѧ҆· ҅Обꙑчꙿ-
  10. ноѥ҆ о҄убо милосрьдь҆ѥ҆ своѥ҆ ст꙯ꙑи҆· и҅ о҅ томъ раꙁвръꙁъ·
  11. и҅ б꙯оу помоливъ сꙙ· а҅бь҆ѥ и҅ꙁврачевана ѥ҅го съподоби·
  12. и҅ въ свои҆ о҄умъ пришъдъ о҅тъ свобождень҆ꙗ бѣсовь҆ска·
  13. видꙙ прѣвеликоѥ дѣла· ꙗ҅коже ѥ҅моу бѣ на помошть҆
  14. о҅рѫжь҆ѥ҆· то вь҆ ꙁеми въкоренивъ сꙙ на о҅бличень҆ѥ҅ ѥ҅го
  15. прѣбꙑваѥ҆· къ сп꙯сьноуо҄умоу крь҆штень҆ю҄ прибѣже·
  16. древьѥ вь҆селивъшеѥ҅ сꙙ вь҆ н҄его· о҅сльпень҆ѥ҆ грѣховь҆-
  17. ноѥ· о҅ть҆мꙑти тѣмь прораꙁоумѣваѧ҆· жена же мо-
  18. литвꙑ насладивъши сꙙ· о҅браштаа҅ше сꙙ въ своꙗ҆ сла-
  19. вꙙшти б꙯а· о҅ всѣхъ сътворивъшии҅хъ сꙙ чоудесехъ·
  20. о҅тъ великааго страстотрьпца б꙯очь҆стию҄· прѣжде
  21. же сꙑи҆ сверѣпꙑи҆ поганинъ· потом же ст꙯ааго кръ-
  22. штень҆ꙗ даромъ о҄укротѣвъ· о҅ста о҄у н҄его тъгда и҅но-
  23. чь҆скоѥ҅ житиѥ҆ вь҆ꙁлюбивъ· вь҆ ꙁемь҆ѭ҄ же въдрѫ-
  24. женоѥ҆ копиѥ҆ въкорени сꙙ· о҅бличень҆ѥ сꙑ съгрѣше-
  25. нию҄ неи҅стрь҆гномо· на мѣстѣ съхранꙗѥ҅мо· до дꙿ-
  26. нешь҆нꙗаго дьне· величиѥ҆ чоудесъ· ѧ҅же ст꙯ꙑи тво-
  27. рꙗа҅ше въи҅нѫ наꙁнаменоуѭ҄ште до вѣка·
  28. Врѣмени же нѣкоѥ҅моу миноувъшоу· и҅ їсправь҆ѥ҅-
  29. нии҅мъ· даромъ ст꙯ааго доуха дѣи҅ствоуѥ҅момъ·
  30. о҅тъ раба бж꙯иꙗ҆ а҅нина· бꙑвꙑи воѥ҅вода трокондъ·

Vita Aninae Thaumaturgi

Image of 280v